Нымдуулукка туруктуу гипс барагы (H2 тиби)

КНАУФ – нымдуулукка туруктуу гипс барактары (H2 тиби) гипстен жасалган курулуш тактайларынан (КНАУФ-гипс барактары) элементтеп чогултуунун КНАУФ тутумдарын орнотуу үчүн нымдуулугу жогору болгон имараттарда жана жайларда колдонулат. Ал эми, беттик коргоо чаралары жана тартып желдетүү камсыз болгон шарттарында, мисалы, гидроизоляция, сууга чыдамдуу катмарлар, боёктор же керамика тактайлар менен каптоодо колдонууга ылайыктуу. Бетондон же кыштан курулган көтөрүүчү дубалдарды каркассыз каптоо үчүн КНАУФ-Перлфикс же КНАУФ-Фуген монтаждык желими колдонулат.

Монтаждын негизги этаптары: КНАУФтун нымга туруктуу барактарынан (H2 тиби) жасалуучу конструкциянын долбоордук ордун белгилөө; КНАУФ профилдеринен каркас орнотуу; КНАУФтун нымга туруктуу барактарын (H2 тиби) каркаска бекитүү; барактардын ортосундагы тигиштерди жана бурамалардын оюктарын КНАУФ-Фуген шпаклевкасы менен толтуруу; жасалгалоочу жабуулар алдында бетти грунттоо.

Монтаждоо иштери имараттын тышкы контуру толук жабылгандан кийин (кышында жылытуу иштеп турган учурда), бардык «нымдуу» иштер бүткөндөн жана электр менен сантехникалык системалар орнотулгандан кийин, кургак же нормалдуу нымдуулук шарттарында жүргүзүлүшү керек. Бөлмөдөгү температура +10 °Cден төмөн болбоого тийиш.

Монтаждоонун алдында КНАУФтун нымга туруктуу барактары (H2 тиби) бөлмө шарттарына сөзсүз түрдө көндүрүлүшү (акклиматизациядан өтүшү) керек.

КНАУФтун нымга туруктуу барактарынын (H2 тиби) четки кырлары тик бурчтуу формада болот. Тигиш жасоодо алардын кырларынан барактын калыңдыгынын болжол менен 1/3 бөлүгүнө чейин фаска алынууга тийиш.

Кыр түрү: ПЛУК (жарым тегерек ичкерилген кыр).

Стандарттык өлчөмдөрү: 2500×1200×12,5 мм.

Өлчөмү 2500×1200×12,5 мм (3 м²) болгон КНАУФтун нымга туруктуу барагынын (H2 тиби) салмагы – болжол менен 25 кг. 1 м² салмагы – болжол менен 8,3 кг.

Ийилүүдөгү сындыруучу жүк (калыңдыгы 12,5 мм барактар үчүн): туурасынан – ≥ 210 Н; узунунан – ≥ 550 Н.