Knauf Azərbaycan

“Knauf Marketing Baku” MMC -nin əsas iş prinsipi - Knauf məhsullarının ölkədə tanınması, məhsulların reklam siyasəti, texniki dəstək, ayrı-ayrı dövlət qurumları ilə əməkdaşlıq, “Gilan and Knauf” MMC-nin istehsal etdiyi gipskarton lövhələri və profillər üzrə Azərbaycan Dövlət Şəhərsalma və Arxitektura Komitəsinin nəzdində olan Azərbaycan İnşaat Memarlıq Elmi Tədqiqat İnstitutu ilə əməkdaşlıq çərçivəsində işlənib hazırlanmış inşaat normativ sənədləri, Fövqəladə Hallar Nazirliyinin nəzdində Tikintidə Təhlükəsizliyə Dövlət Nəzarət Agentliyi ilə tikinti sahəsində inşaat standartları üzrə Almaniyanın DİN (Normalar üzrə İnstitut) və DİBT (İnşaat texnikası üzrə İnstitut) İnstitutları və dövlət qurumları ilə səmərəli əməkdaşlıq və bu kimi digər fəaliyyətdən ibarətdir.

Bundan əlavə “Knauf Marketing Baku“ MDB məkanında olduğu kimi ali, orta və ibtidai-peşə təhsil müəssisələri ilə fəal əməkdaşlıq edir.

Xüsusilə qeyd etmək lazımdır ki, Azərbaycan Respublikasında "Knauf Marketing Baku" MMC və Azərbaycan Memarlıq və İnşaat Universiteti (AzMİU) arasında  əməkdaşlıq sazişi imzalanmışdır və 2008-ci ildə AzMİU-da Knauf Tədris-Məsləhət Mərkəzi açılmışdır. Bu mərkəzdə ustalar üçün qısamüddətli kurslar aparılır, fakultələrin çoxlarının tədris planına və təhsil layihələrinə, müasir tikinti materialları və texnologiyalar üzrə Knauf modulları daxil edilib, inşaat kollecində böyük həcmdə quru inşaat kursu keçirilir, həmçinin, hər bir maraqlanan üçün qısamüddətli kurslar təşkil edilir.

Azərbaycan Respublikası Təhsil Nazirliyinin dəstəyi ilə Azərbaycanda iki Knauf Resurs Mərkəzi fəaliyyət göstərir. 2011-ci ildə peşə təhsil müəssisələrinin tədris-təlim prosesinə "Quru inşaat ustası" ixtisası daxil edilmişdir. Bu ixtisasa dəstək məqsədi ilə dərslik və tədris vəsaitləri tərcümə və adaptasiya olunur, öyrənmə prosesi tələbələrin beynəlxalq peşəkar müsabiqələrdə iştirakı ilə stimullaşdırılır.

Gilan&Knauf Quru Suvaq zavodu Gilan Holdinq və Knauf Gips AG tərəfdaşlığı ilə 2006-cı ilə əsası qoyulmuşdur. Grenzebach mexanizm & laboratoriya avadanlığı illik istehsal həcmi 8 milyon m² gips karton istehsal edir. Gilan & Knauf Quru Suvaq zavodunun istehsal etdiyi, qalınlığı 9,5-12,5mm olan nəmə və odadavamlı lövhələr əsasən, Azərbaycan bazarına hesablanmışdır. Hazır məhsulların müştərilərə satışını sürətləndirmək üçün dəmiryol keçidi tikilmişdir.

Zavod növbəti nəsil texnologiyası ilə təchiz olunmaqla Rusiya və Almaniyanın peşəkar mexanizm istehsalçıları tərəfindən quraşdırılıb və onlar tərəfindən servis xidməti həyata keçirir. Bundan başqa işçilər təcrübələrini artırmaq üçün Türkiyə və Rusiyada müntəzəm təlimlər keçirlər. Qablaşdırma məhsulları, şalban və yapışqanlar Azərbaycan istehsalçılarından əldə edilir. Gilan özünün quru suvaq şirkətini yerli materiallarla təmin etməklə Azərbaycan iqtisadiyyatını stimullaşdırmaq üçün direktivlər müəyyənləşdirmişdir.

KNAUF məhsulları satıldığı hər ölkədə keyfiyyət və çeşid bolluğunun sinonimidir. Buna görə də bizim hər bir məhsulumuz ayrı-ayrı qeyd edilməyə layiqdir – həm quru tikintinin müasir sistemləri, həm quru inşaat qarışıqları, həm suvaq maşınları, həm də səs və istilik izolyasiya materialları.

KNAUF məhsulları dünyada bir çox ölkələrində istehsal olunur. Gilan & KNAUF yerli istehsal olunan məhsullarla yanaşı həmçinin bir çox ölkələrdən də məhsulların idxalını və distribusiyasını həyata keçirir.

Biz, sizin evinizi rahat etmək üçün ən geniş imkanlar təklif edirik.

Materialların istehsalında yalnız yüksək keyfiyyətli xammaldan istifadə olunur, mallar daşınması üçün rahat, uzun müddət saxlamaq üçün nəzərdə tutulmuş qablaşdırılmaya malikdir. KNAUF müəssisələrinin bütün məhsulları istehsal olunduğu ölkələrin DÜST və DİN normalarına müvafiq sertifikatlaşdırılmışdır, sanitar-epidemioloji rəy və yanğın təhlükəsizliyi sertifikatlarına malikdir.