КОГА СИДВИЧ ЅИД Е ВИСТИНСКОТО РЕШЕНИЕ?
Сендвич фасадниот ѕид сè уште е еден од омилените избори на проектантите и инвеститорите, пред се поради можноста за користење на разни видови тули како надворешен масивен елемент на ѕидната конструкција, како и едноставните опции за поставување на камена облога како финален декоративен елемент на фасадата.
ПРЕДНОСТИ НА МИНЕРАЛНАТА ВОЛНА ВО СИСТЕМ НА СЕНДВИЧ ЅИД
ТЕРМИЧКА ЗАШТИТА
Кога станува збор за сендвич ѕид, дополнителна предност е термичкиот комфор во лето. Поради својата маса и добри термички својства, комбинацијата на камена волна, основните елементи на ѕидниот систем и надворешниот ѕид спречува топлината да влезе во објектот.
ПАРОПРОПУСНОСТ
Минералната волна во системите на вентилирани сендвич ѕидови нуди клучна предност - водената пареа непречено се пренесува преку ѕидниот систем во вентилираниот слој, без несакани појави како кондензација. Во случај на невентилиран сендвич ѕид, потребно е да се постави активна парна брана на внатрешната страна на изолацијата, помеѓу внатрешниот ѕид и камената волна.
ЗВУЧНА ИЗОЛАЦИЈА
Сендвич ѕидните конструкции на фасадни ѕидови со камена минерална волна како изолационен материјал се одличен избор кога станува збор за звучна заштита од надворешна бучава. Звучната заштита се должи на големата маса на ѕидната конструкција во комбинација со извонредните карактеристики на камената волна како исполна.
КВАЛИТЕТНО И ТРАЈНО РЕШЕНИЕ
Предноста на сендвич ѕидовите од аспект на трајност и квалит е изразено масивната ѕидна конструкција (тула, камен, облога), така што долговечноста на фасадната површина е загарантирана.
ТЕХНИЧКИ НАСОКИ
Уште во раните фази на проектирање на сендвич ѕид, неопходно е да се предвиди начинот на потпирање на надворешната обвивка според висината на зградата: во подножјето треба да се предвиди темел со соодветна ширина, а во ниво на меѓукатната конструкција и над отворот на фасадата, треба да се предвиди бетонски испуст или конзоли од нерѓосувачки челик.
- Потпирање на обвивката во ниво на меѓукатната конструкција.
- Потпирање на обвивката под еркерите на фасадата.
- За да се обезбеди стабилност во хоризонтална смисла, фасадната обвивка од тули мора да се поврзе со основниот - носечки ѕид со висококвалитетни котви изработени од нерѓосувачки челик со дијаметар од 3-4 mm, минимум 5 парчиња / m2.
- Истовремено, котвите имаат улога на механички прицврстувачи на термоизолацискиот материјал бидејќи тој со помош на пластичен диск се прилепува кон основниот ѕид . Котвите може да се постават за уште во фазата на изградба на основниот ѕид или дополнително (целосно според препораките на производителот на котвите).
- Knauf Insulation плочите од камена минерална волна NaturBoard VENTI се поставуваат блиску една до друга, без простор помеѓу плочите. На котвата треба да се навлче и окапница, кој има задача да собира евентуално кондензирани капки вода помеѓу облогата на фасадата и другите слоеви на ѕидот, доколку е предвиден и вентилациски слој.
- Дебелината на вентилацискиот слој треба да биде најмалку 4 cm. Отворите за вентилација на фасадната обвивка по висината на ѕидот, во основата и на врвот треба да имаат минимална површина од 75cm2 на секои 20m2 површина на ѕидот (вклучувајќи прозорци и врати).
- Невентилиран сендвич ѕид каде се препорачува да се постави Homeseal LDS 5 парна брана пред да се вгради минерална волна со Ecose Technology.
- Вентилиран сендвич ѕид каде се препорачува употреба на паропропусна-водонепропусна фолија Homeseal LDS 0.04 FixPlus со интегрирана леплива лента, преку минерална волна со Ecose Technology.