ВИДОВИ НА ЗЕЛЕНИ ПОКРИВИ

ЕКСТЕНЗИВНИ ЗЕЛЕНИ ПОКРИВИ

Екстензивните зелени покриви поседуваат плиток (обично 7-10 cm) слој земја. На нив можат да растат жедници, мов, зачини и лековити растенија и треви, како и друга вегетација која бара малку или никакво одржување.

Тие се најлесниот тип на зелени покриви. Екстензивните зелени покриви ѝ обезбедуваат атрактивна заштита на водонепропусната мембрана и значително го намалуваат истекувањето на вода.

Откако зелениот покрив ќе биде завршен, потребно е да се изврши преглед еднаш или двапати годишно. Редовното ѓубрење еднаш годишно, на есен или рана пролет, е неопходно за да се обезбеди соодветен раст и успех.

Систем за наводнување не е потребен, освен ако не се присутни необично долги периоди на суша. Редовен пристап до екстензивниот зелен покрив не е неопходен.

ИНТЕНЗИВНИ ЗЕЛЕНИ ПОКРИВИ

Интензивните зелени покриви поседуваат подебел слој земја (од 15 cm нагоре) и поширок избор на растителни видови кои можат да се одгледуваат, од тревници до украсни грмушки и полупораснати дрвја.

Видот на садење ќе ја одреди неопходната длабочина на земјата, потребата за систем за наводнување и нивото на одржување.

Kaj овој вид на зелени покриви обично се обезбедува редовен пристап, па затоа проектот вклучува и поплочени површини, ѕидови, па дури и водени содржини.